Yon analiz ki byen panse epi objektif pou enfòme Deba Politik nan eta Florid
W ap gade paj akèy Kreyòl Ayisyen pou Florida Policy Institute (FPI). Ou p ap ka wè lis konplè piblikasyon FPI ki anba a. Gen kèk piblikasyon ki te tradui soti nan lang Anglè ale nan lang Kreyòl Ayisyen. Si w pa ka jwenn enfòmasyon w ap chèche a, voye yon imèl bay [email protected] pou sijere lòt piblikasyon nou ta dwe tradui.
Konsènan FPI
Florida Policy Institute se yon òganizasyon san bi likratif ki endepandan epi ki pa atache ak okenn pati politik, ki genyen kòm objektif pou ankouraje politik ak bidjè ki pou amelyore mobilite ekonomik ak kalite lavi tout moun nan eta Florid la. Nou fè sa atravè rechèch, sansibilizasyon estratejik, ranfòsman kowalisyon ak defans politik.
Misyon
Pou ankouraje politik ak bidjè onvio leta a ki ka amelyore mobilite ekonomik ak kalite lavi tout moun k ap viv nan eta Florid la.
Vizyon
Vizyon Florida Policy Institute se pou gen yon eta kote chak rezidan eta Florid la gen yon opòtinite egal pou l viv byen; yon eta kote tout moun gen aksè egal-ego ak swen lasante, edikasyon, lòjman ak travay san okenn baryè nan matyè ras ak etnisite.
Valè
Nan FPI, valè nou yo se yon gid santral pou nou. Se yo ki gide travay nou epi yo se refleksyon egzanp nou ta renmen swiv la.
Chache egalite nan ankouraje yon politik pou kraze baryè sistemik ki anpeche moun aksede bonjan opòtinite egalego nan lavi a, baryè sistemik sa yo jwenn sipò nan men ofisye piblik, lwa ak plizyè pratik diferan.
Dirije avèk entegrite nan pwodwi analiz politik ki endepandan epi ki baze sou enfòmasyon veridik, epi ankouraje solisyon anbisye ki fasilite yon bonjan pwosperite ki pataje ant tout rezidan eta Florid yo.
Pataje pouvwa ak resous pou fasilite yon lidèchip kolektif alèntèn epi alekstèn, pandan n ap pouswiv solisyon ki gen rasin yo epi sous enfòmasyon yo nan kominote nou yo ak patnè nou yo.
Aji ak jantiyès anvè lòt moun epi anvè tèt nou pandan n ap travay pou n konstwi yon pi bon avni pou tout moun nan eta Florid.
